لو تعرف ليه انا بحبك .. لو تعرف ليه؟

يا ملاك يا جنية يا ست الحسن

يعجبنى توهانك فى أحلامك

يعجبنى شد الخصر بحزامك

يعجبنى أخدك للكتب بالحضن



يابنت يا أمُ المريلة كحلى ...

******



أنا : علّى شوية ياسطى لو سمحت ...

هى : إنتة بتحب منير قوى كدة ؟

أنا : اها .. وهوه فيه حد ما بيحبش منير ؟!!

هى : أصل أنا بحب فيروز أكتر

أنا : ماتيجى نتمشى الشوية دى ،،

.....

....

هى : هوة إنتة ما بتحبش فيروز ولا ايه ؟

أنا : بالعكس .. بحبها

هى : طب بتسمعلها إيه ؟

أنا : سألتك حبيبى .. لوين رايحين

خلينا خلينا وتسبقنا سنين

اذا كنا ع طول ... التقينا ع طول

ليش بنتلفت خايفين



هى : هههههههه ... بس بس انتة هتغنى ولا إيه؟

أنا : إيه بأغنيلك ..

هى : فى الشارع كدة ؟؟

أنا : فى أى حتة ... مش انتى بتاعتى ؟

هى : إزاى يعنى ؟

أنا : مش انتى مخلوقة منى ؟

هى : برضة مش فاهمه !!

أنا : مش إحنا هنتجوز؟؟

هى : أيوة بس لسه ماتجوزناش

أنا : بس إتخطبنا

هى : برضة لسه ماتجوزناش

أنا : إنتى رخمةعلى فكرة

هى : الله يكرمك

أنا : قوليلى ... بتحبى أحمد خالد توفيق؟

هى : وإشمعنى خالد توفيق؟

أنا : عادى ... أصلى بحبه

هى : وأنا بحبه عشان بحبك

أنا : :)

عارفة يعنى إيه الواحد يفضل طول عمره يدوّر على حد .. مش لاقيه

ويوم ما يقابل حد .. يفتكره هوة .. يسرق منه كل الدنيا ..ويقابل حد تانى

يفتكر انه هيرجعها له .. يلاقيه بيسرق الباقى من احلامه ..

ويقابل حد تالت .. وبعد ما يتعلق بيه .. ويربط أيامه فى ضلوعه

يلاقيه بيحرقها .. ويقابل حد رابع .. يلاقي الدنيا .. كل الدنيا ..

والفرحة ، والبراءة .. بين عينيه.

هى : مش فاهمة أى حاجة خالص؟

أنا : إنتى ..

هى : أنا إيه؟

أنا : إنتى الحد ده ..

هى : واللى قبل كدة دول كلهم كانوا ايه ان شاء الله؟؟

أنا : إنتى بتتلككى ؟

هى : بأتلكك ؟؟؟ طب أنا مخاصماك :)

أنا : مخاصمانى ؟! .. طب أصالحك؟

هى : ............

أنا : مش هتردى ؟!

هى : ................

أنا : طب أغنيلِك ؟؟!

هى : ....:(

انا : لو تعرف ليه .. أنا بحبك .. لو تعرف ليه؟

وبحب الشوق اللى ف قلبك وبحب أناديه

علشان ف عيونك أسرارى .. بتخبى هوايا وبتدارى

و ف قلبك عمرى ومشوارى

هى : هههههههههه بطل بقى هتفرج علينا الناس !!

انا : لسه زعلانة ؟؟

هى : وهوة انتة اللى زيك يتزعل منه؟

أنا : ليه .. عشان طيب ؟ :)

هى : لأ عشان مجنون

أنا : وانتى بتحبى واحد مجنون ؟؟

هى : مالقتش غيره .. :)

أنا : طب أخاصمك أنا بقى ؟

هى : لا والنبى بلاش ..

انا : خايفة على زعلى ؟

هى : لأ .... مش هأعرف أغنيلك )

أنا : كدة يعنى ؟؟

هى : أحمد .. بحبك

أنا : بحبك