0

نفسى



عايز آكل

ونفسى ف اى نوع حلويات شرقية او غربية

بس مش لازم تكون لابوار

لأنى معرفش الاقيه فين

ولا عمرى هعرف

ونفسى ف بسكوت من بتاع العيد

ونفسى الاقى دكتور اسنان يعمل لى عمرة ف بقى

وما ياخدش منى فلوس كتير

ونفسى اعرف اتحكم فى نفسى

ونفسى لما اقول هعمل حاجة اعملها

ولما اقول مش هعمل حاجة ما اعملهاش

ونفسى جسمى يشد حيله كدة ويبان عليا الصحة


نفسى أتخن شوية صغيرين

او حتى ابقى جامد كدة مش أى خبطة توقعنى


نفسى ابويا ما يقعدش كل شوية يهددنى انه هيشيل الكمبيوتر

ونفسى أخلص الكلية دى بسرعة عشان اسيب البيت وامشى فى اى حتة

ونفسى ما ادخلش الجيش

ونفسى احلم وانا نايم زى ما الناس بتعمل

ونفسى ابطل كسل

ونفسى الاوضة دى تكون أوسع شوية

ونفسى أحط المكتب بعيد عن السرير

وأبطل أتغطى أول ما ادخل الاوضة مع انى ما بأكونش بردان

ونفسى أبطل أتغطى وانا بأتكلم فى التليفون

ونفسى أبطل اكلم نفسى وانا ماشى فى الشارع والناس تتفرج عليا

ونفسى أبطل أجرى لما اكون فى الشارع

ونفسى لما اكون قاعد فى البيت مش نازل أبص فى المراية

ونفسى اعرف يعنى ايه ايروبكس

مش مهم العب

المهم افهم

نفسى لما يبقى نفسى ف حاجة

اعملها

sakaker

.

.

Back to Top