2

لما حلمت بيها !!



.

امبارح حلمت بيها

شفتها
فى ليلة
مافيهاش نجوم

صحيت مفزوع

كلمتها

كنت عايز اقولها....

اخرجى دلوقت
اطلعى ع السطح
بصى لفوق
فوق ف السما
واستنى
أى نجمة تايهة ف الهوا

امسكيها...
امسكى كل النجوم
اللى تقدرى تطوليها
أحضنيها..
وف خيط دهب من ضفيرتك

أعقديها
حافظى عليها
جنب قلبك خليها

يمكن لما نتقابل

يكون ف ليلة

مافيهاش نجوم
.
.
.
.

2 سيب حتة سكر مكانك (اكتب تعليقك):

بنت الماضي يقول...

تتقابلو في ليل مفهوش نجوم؟؟
ازاي بس؟
هي وجودها هيقبقى ايه؟
دا هي النجوم نفسها يا احمد :):)



جميله اوي
ويابختك يا عم لاقي تحلم :)

Unknown يقول...

والله يا ايمان كان اخر مرة احلم بجد
بعد كدة بقت احلام يقظة وبكدب على نفسى وع الناس وبقول انه حلم فعلا

بس عارفة
شكلها كدة فيه احلام تانى
والله الدنيا حلوة بس المهم
عينينا احنا عايزة تشوف ايه
؟؟؟؟

sakaker

.

.

Back to Top