سميتك

مولاتى انتى

واميرتى...وحيرتى

سميتك

بحروف اسمى

سكرتى

وحبيبتى وعمرى

وزرعتك

وردايه ف وسط الفل

اللى منور ف جنينتى

ورسمتك

قمراية

سهرانة تنورسما اوضتى

شديتك

ملو دراعى

غنيتك

وانا مش واعى

غنيوة بتحكى حكايتك وحكايتى

على قلبك

هأكتب كل سنين عمرى

هأكتبلك اسمى وراحتى

وحياتى

وحبى

هأكتبلك

ايوة بحبك

وبحب عيونك

وكلامك

وبحب أقولك

يا حبيبتى.

تاااااااااااااااااااااجى

التاج ده جالى من ايمان موافى

هدية عيد ميلادى

ربنا يعينا من زمان مادخلتش امتحانات من دى

عايز اجيب النهاية

ماهي السعاده من وجهة نظرك؟
ماشى

اولها كده اسئلة صعبه

السعاده عندى هيه راحة البال.وبالتالى هيه الرضا باللى فى ايدى.وبالتالى هيه الابتسامة الصافية اللى بتترسم على وشى لما بشوف حد بيحبنى...بس
كيف تصل الي السعاده؟

دى سهلة شوية

كفاية عليا قوى عشان اكون مبسوط

انى الاقى عدد الناس اللى بتحبنى بيزيد...انى الاقينى بقى ليا اصحاب اكتر

وناس تحبنى اكتر وناس تسأل عليا اكتر
هل السعاده وهم ام انها حلم صعب؟
السعادة مش وهم بالعكس دى اوضح حقيقة

بس هيه مداها بيكون عادة قصير

اقصر من حاجات تانية كتير مؤلمة
هل السعاده طريق للنجاح ؟ وضح؟
ايوه السعاده طريق للنجاح...بس مش هيه الطريق الوحيد

اه انا لما بكون مبسوط بأنجز

بس برضة لما بكون مغلول بأنجز اكتر
ماهي اكثر اللحظات التي شعرت فيها بالسعاده؟

ماشى

يوم نتيجة الثانوية عشان فرحة ابويا بنتيجتى

انا مكنتش مبسوط قده

اتبسط عشان قدرت افرحه
هل من الممكن ان تحقق كل شئ؟
لا مش ممكن
محدش بياخد كل حاجه....ولا بيقدر يعمل كل حاجة
السعاده تجعلك تقبل علي الحياه ام لا؟

ايوه بالظبط كدة...بس والله اوقات باكون مبسوط وابقى عايز قوى اقعد لوحدى
هل احسست يوما انك وصلت لقمه السعاده؟
امممممممم...يمكن ويمكن ماتكونش هيه دى القمة

بس كل ما احس انى وصلت لقمة السعاده احس ان فيه قمة تانية ممكن اوصلها
لماذا تمر الاوقات السعيده بسرعه؟
عشان احنا بنعز النكد اكتر من عينينا
هل تري السعاده في التدين؟
ممكن قوى
كل مقربنا من ربنا بيريح بالنا وبيرضينا

وبيدينا كل حاجة حلوة
هل انت متفاءل وعندك امل؟وضح؟
انا طول عمرى متفائل

ده حتى اصحابى بيقولوا عليا عبيط وعلى نياتى
اذا شعرت بالحزن ماذا تفعل؟
باقلب فى دفاترى القديمة واضحك على نفسى ايام زمان
هل يستمر الحزن معك فتره ام ينقضي في الحال؟

حسب مزاجى

اوقات بيكون مزاجى انى اكتئب

فبعيش الدور قوى

واوقات بكون عايز افوق بأفوت

تهدي التاج لمين؟

معنديش حد لسه اهديهوله

بس هألاقى ان شاء الله

الواحد لما يبلغ الرشد

يعنى ايه الواحد بلغ الرشد؟؟؟؟

المفروض

الرسمى يعنى

21 سنة بالتمام والكمال

اللى انا باقول على اللى يكملهم انه طلع من تحت ايد ابوه

انا بقى هيبقى المفروض انى طالع من تحت ايد ابويا

يوم 7/11 الجاى

يعنى بالظبط 12 يوم

بس انا بينى وبين نفسى

مش هاطلع من تحت ايد ابويا الا لما يجوزنى الاول

لازم يتحمل مسئولياته

بعد مايكبرنى ويعلمنى يرمينى من غير جواز

هيه ايه سايبه؟؟؟؟؟؟؟؟؟؟؟

لما حلمت بيها !!

.

امبارح حلمت بيها

شفتها

فى ليلة

مافيهاش نجوم

صحيت مفزوع

كلمتها

كنت عايز اقولها....

اخرجى دلوقت

اطلعى ع السطح

بصى لفوق

فوق ف السما

واستنى

أى نجمة تايهة ف الهوا

امسكيها...

امسكى كل النجوم

اللى تقدرى تطوليها

أحضنيها..

وف خيط دهب من ضفيرتك

أعقديها

حافظى عليها

جنب قلبك خليها

يمكن لما نتقابل

يكون ف ليلة

مافيهاش نجوم

.

.

.

.

ودى بقى تقريبا اول حاجة معترف بيها كتبتها

12/12/2006
قلتيلى اكتب
حاضر...
هاكتب
عن قلبك المرمر
وصوتك الهادى الحنون
وشفايفك السكر
عن عيون
مجرد نظرة منهم
تخلينى اتبرجل
اتحجر
تخلينى اتخدر
هاكتب عن كلامك
عن جمالك
عن عطرك العنبر
هاكتب عنك وعنى
وعن حبنا المتقدر
هاكتب وهاكتب وهاكتب
حتى لو ايديا بتتكسر
مش انتى قلتيلى اكتب
حاضر.....
هاكتب
يا نجمة
يا نسمة
يا حتة السكر
.
.
.

دى بقى كتبتها السنة اللى فاتت زى اليومين دول

بالظبط يوم 23/10/2007

كان تاريخ له ذكرى حلوة قوى عندى

بس دلوقتى بقى ذكرى وخلاص

يا قمرة يا زهرة

يا حتة سكرة

يا شمساية طالعة

منورة

يا صبح بيشقشق

يا عصفورة

اصفر ف اخضر

على شباكى واقفة

بتزقزق

يا فراشة بتتزوق

يا قمر

فى السما متعلق

يا فنجان قهوة

يا قلم حبر ازرق

ممكن فى عنيكى

تسيبينى اغرق

.

.

.

متفردة

.



متفردة انت

لطالما كنت كذلك

متفردة

تبكين

حين يجدر بك الابتسام

وحين فهمت اخيرا

ان البكاء هو رد فعلك المتفرد

.على السعادة الطاغية

التى تستشعرينها

لم اعد اشعر بأى غرابة

.بل انى كنت اجلس

وأشاركك البكاء

متفردة انت

وجهك

مثل سطح بحيرة

هادئ

شفاف

و أبدا لا يخفى الاعماق

متفردة انت

وستظلى الى الابد

متفردة

حتى تحترق اخر النجمات المعلقات

فى سقف غرفتى السماوى

وحتى تتوقف السمكة الذهبية الصغيرة اللامعه

عن مطاردة السمكة البرتقالية الهزيلةالجائعه

فى حوضى البلورى الشفاف

و انا سأظل احبك

اصحابى

كل ليلة

اتمنى ان اصنع كعكه

اصنعها من اقواس قزح والسكر

اعجنها بماء المطر

واتركها فوق قرص الشمس البرتقالى

حتى تنضج

ثم اهديها لكل اصدقائى

.

.

.

الى محمد وبسمة

ايناس وايهاب

مبروك...

اخيرا بقيتو مع بعض

حاسس انى بأجوز عيالى

...................

درديرى

بأحس انها توأمى

اللى ماما جابتها ورمتها وهيه صغيرة عشان ماعجبتهاش

ومستنى مامتها ف يوم من الايام

تعترفلها انها مش بنتها وانها لقتها جنب باب جامع

ومتعلق ف هدومها اسمها الحقيقى

اللى هوة اكيد هيكون قريب من اسمى

....................

نانا...

نفسى تبطل تعيط على كل حاجة

اوقات تحسسنى انها بنت بنتى

واوقات انها جدتى

.................

استعنا ع الشقا بالله

بسم الله

نبدأ الشخبطة

.

.

.

اول حاجة

لازم اسلم على ايمان موافى

لان مدونتها هيه اللى ناغشتنى

وخلتنى افكر ف الفكرة دى

شكرا ليكى

يا اميرة الانقياء..